XOGAMOS COA TÁBOA DO 7

É o turno de aprender e practicar a táboa do 7. Aquí temos un xogos que nos axudaran a aprendela mentras xogamos!

1. Leva á pequena toupa ata a casa que lle corresponde. Escolle a táboa do 7 para practicala (ou outra que queiras repasar).




2. Escolle se queres repasar a táboa do 7 en orden ou salteada e pon a proba os teus coñecementos.




3. Vamos limpar coches acertando as multiplicacións que aparecen. Busca a mancha que contén o resultado correcto.


4. Igual que coas anteriores táboas, coas seguintes actividades poderás practicar a táboa do 7 de diferentes xeitos e conseguir o teu diploma!


XOGA E APRENDE!


LECTURA COLECTIVA A EDUCACIÓN INFANTIL

Somos contacontos!

A semana pasada visitamos as aulas de Educación Infantil para contarlles uns contos aos nosos compañeiros e compañeiras, "Dinosaurio Belisario".

Escolleuse este conto porque en Educación Infantil están traballando cun proxecto sobre os dinosauros.

Levábamos tempo preparando o conto e tíñamos moita ilusión por facer de contacontos para os máis pequenos do cole.

Así foi a lectura:

video

A lectura rematou cun gran aplauso e agasalláronnos cun diploma aos "Mellores Contacontos". Moitísimas gracias! 😊

Pola nosa parte, regalámoslle aos nenos e nenas de Educación Infantil o dinosauro Belisario que se pode ver de fondo durante a nosa lectura.




NO DÍA DAS LETRAS GALEGAS

Hoxe, 17 de maio, conmemoramos o Día das Letras Galegas!
Onte no cole, celebramos unha homenaxe a Carlos Casares, o escritor a quen se lle adica este día. Todos os nenos e nenas do CPI limos parte dunha obra de Casares.

Entre os nenos e nenas de primeiro e nós limos o conto "A galiña azul". Nós limos "O final da galiña azul" e "A formiga esquiadora".


video

Ademáis da homenaxe colectiva, creamos xunto cos nenos e nenas do CRA Os Remuiños, unha exposición interactiva sobre a vida e obra de Carlos Casares. Escaneando coa app de realidade aumentada Aurasma os  carteis que colocamos no corredor, pódense ver e escoitar estes videos que recollen unha breve explicación sobre os mesmos.

















Estades convidados a pasar polo cole e ver a exposición insitu! 😊






XOGAMOS E REPASAMOS AS TÁBOAS DO 2-3-4-5

Continuamos coas táboas de multiplicar. Agora vamos repasar as táboas arprendidas. Aquí temos tres xogos que nos axudarán a non esquecelas mentras nos divertimos.

1. PROBA CON TEMPO: selecciona as táboas do 1-2-3-4 e 5 e responde antes de que remate o tempo.


2. Pizza Pizzaz: ao comezar escolle a pizza que pon do 0-5 para repasar as táboas do 1, do 2, do 3, do 4 e do 5. Logo sírvelle a cada parella de ratiños a pizza que piden. Non te equivoques co pedido! 



3. TABLAS DE MULTIPLICAR: ao comezar seleccionamos as táboas que queremos practicar e logo debemos responder ás contas que nos propón antes de que se remate o tempo.



REPASA MENTRAS XOGAS!

OUTRA PROBA DO SEÑOR DO TEMPO!

O señor do tempo segue poñéndonos a proba para ver se somos quen de romper o seu feitizo!

Recibimos no buzón de clase unha carta que nos indicaba que debíamos investigar sobre a labor dos arqueólogos para poder seguir adiante coa proba.



E así foi, grazas ao libro, que tamén estaba no buzón, "Quiero ser... Arqueóloga" de Liesbet Slegers puxémonos a aprender sobre o que son, que fan, que empregan e donde traballan os arqueólogos. A profe Paula liunos o conto na biblioteca do cole e foinos resolvendo dúbidas que nos xurdían.


Unha vez investigado sobre os arqueólogos chegounos unha nova carta... Esta vez cunha nova proba!
SE O FEITIZO QUEREDES ROMPER
PINTURAS RUPESTRES DEBEDES FACER

O SEÑOR DO TEMPO



Xunto coa nova proba viñan unhas explicacións sobre que son as pinturas rupestres. Leemolas entre todos para coñecer máis sobre elas.


Quedounos clarísimo que as pinturas rupestres son os debuxos máis antigos do mundo, que os facían os prehistóricos cos dedos ou pinceis elaborados con pelos de animais empregando so cores amarelas, ocres, vermellas ou negras e que as elaboraban para mellorar a súa caza.

Tal e como nos indicou o Señor do Tempo, fixemos as nosas propias pinturas rupestres dentro da cova que temos no corredor!




Pero esta proba non rematou aquí! Días despois de elaborar as pinturas rupestres recibimos unha nova carta cuns mapas do cole. A carta explicábanos que no cole había unhas rochas moi antigas que debíamos atopar. Dividímonos en grupos e cada un levaba un mapa cunha "X" marcada á que nos tíñamos que dirixir. 
Como bos arqueólogos interpretamos o mapa e saímos correndo a buscar esas antigas rochas.

video

Todas as rochas estaban donde se idicaba! Algunhas foron dificíles de atopar pero finalmente demos coas cinco! Todas tiñan unha pintura rupestre!






Esperamos ansiosos a que o Señor do Tempo nos diga se superamos a proba ou non! 😄

XOGAMOS COA TÁBOA DO 6

Isto das táboas é un non parar! Xa pasamos o ecuador e vamos coa do 6. Aquí deixo uns xogos que nos axudarán a repasalas e aprendelas.

1. Arrastra cada multipliación á ventá adecuada. As que están ben á ventá CORRECTO e as que están mal á xanela INCORRECTO.




2. Dalle ao pallaso a bola que teña o resultado correcto de cada multiplicación. Pincha na bola e arrastraá ata a man do pallaso.



3. Ao igual que coas táboas anteriores, practica primeiro a táboa do 6 e logo tenta conseguir o teu diploma.



5. Alcanza todas as transformacións destas personaxes buscando os resultados correctos das multiplicacións que indican.




XOGA E MULTIPLICA!


MONSTRUO-BOOKTUBERS

Chegou o momento de presentar o proxecto MONSTRUO - BOOKTUBERS. Non podía ser noutro día mellor que neste, o Día do Libro.

Levamos un tempo cociñando MONSTRUO - BOOKTUBERS. Tivemos que:
  • Escoller un libro entre os membros do grupo e leelo.
  • Elaborar a ficha técnica e pasala á web.
  • Deseñar un guión sobre o que íamos decir escollendo como editar o video.
  • Practicar o guión.
  • Gravar
  • Mellorar o vídeo.
(Pincha na imaxe e poderás ver a nosa web).


Irémola actualizando según vaiamos traballando máis libros.

Con este proxecto adestramos todas as competencias clave establecidas no currículum así como contidos de lingua galega, lingua castelá, ciencias sociais e educación artística entre outras materias. Tamén adestramos habilidades básicas como o traballo en equipo, a coooperación, o respecto á diversidade de opinións e a resolución de conflictos, por exemplo.

SOMOS BOOKTUBERS!